Google ADS

Daçiq: Heqja dorë nga Kosova s’mund të jetë çmimi i anëtarësimit të Serbisë në BE

13:48 | 14 Janar 2024
E.H

Ministri i Jashtëm serb, Ivica Daçiq, ka thënë se heqja dorë nga Kosova, nuk mund të jetë çmimi për anëtarësimin e Serbisë në Bashkimin Evropian.

“Si mundet BE-ja apo dikush nga Serbia të kërkojë njohjen e Kosovës, kur dihet që pesë anëtarë të BE-së nuk e njohin Kosovën, kur dikush thotë se BE-ja kërkon të njohim Kosovën, ne duhet ta pyesim atë në emër të kujt flet. Interesi ynë strategjik është të hyjmë në BE dhe ky është një tjetër prioritet i politikës sonë,”, tha Daçiq në një intervistë për “Novosti” transmeton Arbresh.info.

Mes tjerash, ai ka shtuar se Serbia nuk do ta njohë Kosovën teksa e pranon se ka një valë të re presionesh edhe më të forta nga ndërkombëtarët për shtetin serb.

Sipas Daçiqit, Serbia do të vazhdojë të jetë pengesë për çdo njohje ndërkombëtare të Kosovës, përcjell kosovonline.

Shpërndaje në rrjete sociale

Lajmet më të lexuara

Të ngjashme

Foto lajm